Janubiy Koreya U-23 bosh murabbiyi Xvan Son Xon: "Agarda to'g'ri taktika tanlansa, 10 kishi bilan ham o'ynasa bo'ladi"

O'yindan keyingi matbuot anjumanida Janubiy Koreya U-23 termasi bosh murabbiyi Xvan Son Xon qatnashdi.

O'yin haqida

- Markazlashgan musobaqalarda shu kabi holat kuzatiladi. O'yinchilarning holati ham har xil. Bu musobaqa formatiga bog'liq. Bunday natija ko'rsatayotganimizga aynan shu omillar sabab bo'lmoqda. 

- Bugungi tarkib birinchi o'yindagidan ancha farq qildi. Bunga sabab nima bo'ldi?

- Maqsad ko'p o'yinchilarni sinab olish edi. Bazi futbolchilar esa jarohat olishgan. Jamoadagi o'yinchilarning jismoniy holatlari xar hil. Aynan shuni bilish maqsadida ularni sinab oldim. Bu futbol. Futbolchilar o'yinda juda yaxshi harakat qilishdi. Bundan mamnunman. 

- Qizil kartochkadan so'ng mag'lub bo'lmadingiz. Bunga omad sabab bo'ldimi?

- Bu savolga javob bera olmayman. Futbol shunday o'yin. Agarda to'g'ri taktika tanlansa, 10 kishi bilan ham o'ynasa bo'ladi. Ko'p narsa aynan bunga to'g'ri yondashishda.

- Musobaqadan oldin qanday fikrlar bor edi?

- Bu jamoada eski murabbiy yaxshi ish olib borgandi. Yangi jamoa, kuchli o'yinchilar. Tayyorgarlik ham joyida. Keyingi o'yinda biz yaxshi natija ko'rsatishga harakat qilamiz.

- Tailandga qarshi o'yin oldidan nimalar ustida ishlash kerak deb o'ylaysiz?

- Yuqorida takidlaganimdek bu markazlashgan musobaqa. SHu sabab ham biroz qiyin bo'lmoqda. O'yinchilar keyingi o'yinda borlarini berishadi. Men ham g'alaba qozonishga harakat qilaman.