Jamshid Iskanderov: "Bu yil ham "Navbahor" oldiga yuqori maqsad qo'yilgan"

Futbolchi dastlab "Astana"ga qarshi kechgan o'yin haqida to'xtaldi.

"O'yinga keladigan bo'lsak, chempionatga tayyorgarlik davom etmoqda. Bosh murabbiy har bir poziciyaga yangi futbolchilarni sinovdan o'tkazyapti. O'ylaymanki, jismoniy tayyorgarlik kerak, deb o'ylayman. Buyog'iga engillashgan holda hozirlikni davom ettiryapmiz", – deydi Jamshid Iskanderov.

- Yangi futbolchilarning qo'shilib ketishi qiyin bo'lmayaptimi?

- Tushunmovchiliklar bo'lishi tabiiy. Hali vaqtimiz bor, mavsum startigacha bir-birimizni tushunib olamiz, deb o'ylayman. 

- O'rtoqlik uchrashuvlarida natija muhim emas, desak to'g'rimi?

- Har bir o'yinga g'alaba uchun chiqamiz. "Rubin" bilan alamli mag'lubiyat bo'ldi. O'sha kuni bizning kunimiz emas ekan. Bu o'yinni esdan chiqarib, navbatdagi bahslarga etibor qaratamiz.

- O'tgan yili jamoa chempionlikka yaqin kelgandi. 

- Avvalambor, nasiba. Biz qo'ldan kelgancha harakat qilamiz. O'tgan yili ham, bu yil ham yuqori maqsad qo'yilgandi. Sportda kim yutishi yoki yutqazishini oldindan hech kim bilmaydi.

- CHetdan takliflar bormidi?

- Rahbariyat bilan kelishgan holda "Navbahor"da qoldim. 

- Boshqa jamoalarni ham kuzatyapsizmi?

- Har bir jamoaga qiziqamiz. Futbolchilar ham bir-birini kuzatadi.

- "Navbahor" muxlislariga nima degan bo'lardingiz?

- Avvalo, sog'-salomat bo'lishsin. Ular bizni doim yaxshi qo'llab-quvvatlab kelishgan.