Jahongir Mehmonov: “Derbida g'alaba qozonmasak bo'lmasdi”

Uchrashuv yakuniga etgach, asli “Navbahor” futbol klubi tarbiyalanuvchisi bo'lgan Mehmonovning o'yin haqidagi fikrlari bilan qiziqdik:

- Bugun muxlislar yaxshi o'yinni guvohiga aylanishdi. Garchi g'alaba qozongan bo'lsakda, to'p surish oson bo'lgani yo'q. “Derbi” o'z nomiga monand ravishda o'tdi. Bu kabi qarama-qarshiliklarda hech kimga oson bo'lmasligi ko'p bor kuzatilgan. Bugungi uchrashuv ham bundan mustasno bo'lmadi. “Navbahor” futbolchilari ham mag'lubiyatga uchrashgan bo'lsada, maydonda munosib tarzda harakat qilishdi. SHaxsan menga jamoaning o'yini yoqdi. Xayrulla Karimov boshchiligida yaxshigina tarkibni shakllanganligiga guvoh bo'ldik. Dastlabki turda “Bunyodkor”ga imkoniyatni boy berganimizdan keyin muxlislar oldida yuzimizni yorug' bo'lishi uchun ham “derbi”da g'alabani qo'lga kiritmasak bo'lmasdi. SHu sababli maydonga faqat g'alabani ko'zlagan holda tushgandik. Yakunda oldimizga qo'yilgan vazifani bajarganimizdan xursandman, - deydi Mehmonov. 

"Navbahor" matbuot xizmati