Jahon chempionati favoritlari libosi bilan tanishing

Puma tayyorlagan liboslarda o'zining g'alati bir yangi falsafasini ilgari surdi va "bo'ronlar"ga sabab bo'ldi. 2022 yilda Puma taqdim etgan mehmon formalarining old tarafi markaziga futbolchi raqami atrofiga har bir mamlakatning o'ziga xosligidan kelib chiqqan holda maxsus "halo"lar bilan bezatildi. Ushbu liboslar o'tgan yili Evropa klublari uchun uchinchi libos sifatida ishlangan va futbol ko'ylaklari tarkibi qoidalarini buzib, olib tashlangan qismlarni katta bo'laklar bilan almashtirilgan liboslar dizayni bilan aynan bir xil bo'lib qolgan. Ular ushbu liboslardan qimmatli saboq olmagan ko'rinadi. Tan olish kerak, bazi formalar boshqalaridan ko'ra yaxshiroq chiqqan. 

Quyida Adidas va Puma tomonidan terma jamoalar uchun ishlangan ko'plab liboslarni ko'rib chiqib, qisqa tavsifdan so'ng chiroyli chiqqani yoki yo'qligiga qaror beramiz.

Argentina mehmon libosi (Adidas)

O'tgan oyda oshkor qilingan so'nggi versiyadagi terma uy libosidan mashhur "Albiceleste" chiziqlari bilan ajralib turuvchi Argentinaning 2022 yildagi mehmon formasining asosini quyuq va to'q binafsharang tashkil etadi. Adidas mamlakat bayrog'i markazidagi oltin quyoshni aks ettirish uchun pastdan ko'tarilgan olovli chizmadan foydalanishgan.

Baho: yaxshi

Germaniya uy libosi (Adidas)

Odatdagi shablondan chetga chiqib, "Ayaks"ga taqlid qilib, uning libosiga o'xshatgan holda, raqam, logotip va yulduzlarni o'z ichiga olgan yakka keng qora chiziqli markaziy "fartuk"li libos "nemis mashinasi"ga taqdim etildi. Bu, albatta, DFB tomonidan afzal ko'riladigan standart oq ko'ylaklardan voz kechish bo'lishiga qaramay, yaxshi tanlov ekanini takidlash joiz.

Baho: yaxshi

Germaniya mehmon libosi (Adidas)

Asosan qora rangdan tarkib topgan mehmon libosi xuddi uy formasi kabi nafis bo'lib, chuqur to'q rangli qizil grafiklar bilan qoplangan. Unda shuningdek, nemislarning tezkor va tartibli o'yini ishorasi bo'lgan ramzlar ham mavjud.

Baho: yaxshi

Gana mehmon libosi (Puma)

Ushbu libos Gana to'qimachilik qolipidan ilhomlangan holda, markazda joylashtirilgan kvadrat shakl yorqin qizil maydon tepasidan o'rin olgan milliy bayroqning talqin qilinishidir. U yorqin va rang-barang bo'lib, Puma'ning asosiy dizaynini umumiy nafisligini buzmagan holatda ifodalangan kam sonli yaxshi namunalardan biridir.

Baho: yaxshi

Yaponiya uy libosi (Adidas)

Yaponiyaning Jahon chempionati uchun hozirlayotgan ikki libosi ham qadimgi yapon qog'ozlarini qatlash sanati bo'lgan origamidan ilhomlangan holda chizilgan. Uy formasi ananaviy "ko'k samuray" rangida bo'lib, uning ustiga Yaponiya futbol federaciyasi tepasida tasvirlangan mifologik uch oyoqli qarg'a Yatagarusuning origami modeliga o'xshab ketadigan to'liq grafigiga ega naqshlar bilan bezatilgan.

Baho: yaxshi

Yaponiya mehmon libosi (Adidas)

Kun chiqar yurtning oppoq mehmon libosi englarida xuddi shu Yatagarusu origami grafikasi tasvirlangan. SHu bilan birga, undagi ikki xil rangli xiralik effekti Yaponiyaning futbolga o'ziga xos yondashuvi: quvvatlilik, tezkor, ochiq va shiddatli o'yin namoyish etishni bildiradi. 

Baho: yaxshi

Meksika mehmon libosi (Adidas)

Qadimgi Meksikaning mahalliy madaniyatidan ilhomlangan holda yaratilgan libos Mikstek sanati bilan qoplangan bo'lib, Adidas vakillarining aytishicha, "millatning jangovar ruhini chaqiradi".

Baho: yaxshi

Marokash mehmon libosi (Puma)

Baho: qoniqarli emas

Senegal mehmon libosi (Puma)

Libosning jo'shqin yashil rangi etarlicha yoqimli, ammo chizmalar... Puma vakillarining izohiga ko'ra, darg'azab sher jag'ining mavhum talqini bo'lishi mo'ljallangan, biroq u yaxshi namuna bo'lish uchun o'ta minimal va juda noaniq hisoblanadi. Afrikaning amaldagi chempionlari bundanda yaxshisiga loyiq edi. 

Baho: qoniqarli emas