Ixtiyor Toshpo'latov: “Yangi mavsumda asosiy tarkibdan joy olishga intilaman”

Buni futbolchi bilan o'zaro suhbat davomida ham bilib oldik. 

Yangi mavsumni qaysi jamoada o'tkazishi haqida

- Xudo xohlasa, yangi mavsumni “Metallurg”da boshlayman. “Turon”da ijara asosida o'ynab qaytdim va nasib qilsa, yangi mavsumda bekobodliklar safida asosiy tarkibda o'ynamoqchiman. Raqobat yuqori ekanini bilaman. SHu bois mashg'ulotlarda ko'proq mehnat qilib, asosiy tarkibga munosib ekanimni isbotlamoqchiman. 

“Turon”dagi faoliyati borasida

- “Turon”dagi faoliyatimdan qoniqish hosil qilganim yo'q. Negaki, biz Superligada qolish vazifasini uddalay olmadik. Agar vazifani bajarganimizda, balki birmuncha qoniqish hosil qilgan bo'lardim. Yaxshi o'ynagan bo'lsak-da, omadsizliklar tufayli kerakli natijalarga erisha olganimiz yo'q. Bir nechta klublardan takliflar bo'ldi, biroq men “Metallurg”da qolaman. CHunki jamoa bilan amalda shartnomam bor. 

“Metallurg”ning yangi bosh murabbiyi to'g'risida

- Jamoamiz yangi bosh murabbiyi bilan hali yuzma-yuz bo'lib gaplasha olganim yo'q. Lekin bu murabbiyning o'tgan mavsumning oxiridagi ish faoliyatini chetdan turib kuzatdim. Ishonamanki, xorijlik murabbiy jamoaga foyda keltira oladi. 

Faoliyati borasida

- Yangi mavsumdan umidim katta. Oxirgi mavsumlardagi faoliyatimdan biroz qoniqmadim. Buning o'zga yaarasha sabablari bor, ammo hoo'ir bularni oshkor qilishdan foyda yo'q.

Legioner bo'lishi xususida

- Albatta, kelajakda legioner sifatida to'p tepish imkoniyatim bo'lishiga ishonaman. Bu kun kelishini kutaman.