So’nggi yangiliklar

10:51Беллингем фаолиятини Германиянинг ТОП жамоаларидан бирида давом эттириши мумкин  0 10:23Уч нафар ҳужумчи ёзда “Ливерпул”ни тарк этиши мумкин  4 10:04Суперлига 11-тур расмийлари маълум. Марказий ўйинни Шавкат Насибуллаев бошқаради  2 09:57“Реал Мадрид“нинг Родригонинг ўрнига “Барселона“ анча вақтдан бери қизиқаётган футболчини сотиб олмоқчи  8 09:30“Арсенал“ ва “Челси“ 80 миллион фунтлик футболчи учун курашмоқда  0 09:03Вирцдан воз кечган “Ман Сити“нинг ёзги трансфер мақсади маълум  1 08:36“Реал Мадрид“ етакчиси операция қилинади ва келаси мавсумнинг бошини ўтказиб юборади  7 08:09Гвардиола ғалати сабаб туфайли “Ман Сити“ни тарк этиши мумкинлиги маълум қилди  15 07:45Sofascore. Жамоасининг голларидан бирига муаллифлик қилган Ғаниев неча баҳо олди?  5 07:18Ўзбекистон кубоги. Бугун гуруҳ босқичи якунланади  0 02:00АПЛ. "Манчестер Сити" "Борнмут"ни мағлубиятга учратиб, ЕЧЛ йўлланмасини деярли ҳал қилди. Ҳусанов қайдномага киритилмади  33 00:35Эмилиано Мартинес икки топ-клуб қизиқишлари доирасида  2 00:13"Атлетико" президенти 3-ўрин ҳақида: "Бу фалокат!"  12 23:45"Барселона" асосий трансфер мақсадини белгилаб олди  12 23:19Анге Постекоглу: "МЮ футболчиларининг бундай катта ўйинга қандай тайёрланишини билмаймиз"  1

Intervyu. Ro'ziqul Berdiev: "Darajamizni yuqoriga olib chiqdik. Endi yanada yuqoriga qarab yurishni istaymiz" Yangiliklar

Intervyu. Ro'ziqul Berdiev: "Darajamizni yuqoriga olib chiqdik. Endi yanada yuqoriga qarab yurishni istaymiz"

Osiyo Kubogidagi tanaffusdan foydalanib Superliga klublarining tayyorgarlik jarayonlari bilan qiziqdik.

"Nasaf" va "Navbahor" jamoalari mavsumni barchadan ertaroq boshlaydi. 14 fevral kunida OCHLning pley-off bosqichi uchrashuvlari boshlanishidan xabaringiz bor. Unga ko'ra, "Nasaf" 14 fevral kuni Qarshida "Al Ayn"ni qabul qiladi. Mavsumning ilk rasmiy o'yiniga vaqt tobora oz qolmoqda. "Ajdarlar"ning Antaliyadagi tayyorgarligi va tarkibdagi o'zgarishlar haqida jamoa bosh murabbiyi Ro'ziqul Berdievga yuzlandik. 

Bobir Abdixoliqov va SHarof Muhitdinov mavsumni "Nasaf"da boshlaydimi?

- OCHL pley-off bosqichidan o'rin olgan o'yinga va umuman yangi mavsumga taraddud qanday ketyapti? Ko'nglingiz to'lyaptimi?

- Qaysi sanada o'ynashimizga qarab tayyorgarlik rejasini tuzib chiqdik. Barchasi rejamiz asosida ketmoqda. O'n oltinchi kun Antaliyadamiz. Mashg'ulotlar, nazorat uchrashuvlari o'tkazmoqdamiz. Hozirgacha 7ta o'yin o'tkazdik. Bu o'yinlarda eng muhimi yigitlarning jismoniy holati va o'yin amaliyotiga ega bo'lishi. Ko'proq o'yin o'tkazayotganimizni sababi ham shunda. Bugun ham birozdan so'ng navbatdagi nazorat uchrashuvida maydonga tushamiz. Oxirgi uchrashuvimizni 30 yanvar kuni "Vorskla"ga qarshi o'tkazamiz. Keyin futbolchilarga 4 kun hordiq chiqarish imkonini beramiz va Qarshida tayyorgarlikni davom ettiramiz. Oldimizda OCHL uchrashuvi bor. SHu bois imkon qadar yanada yaxshiroq hozirlik ko'ramiz. Tarkibimiz to'liq emas, terma jamoada  o'yinchilarimiz bor. SHaroitlar yaxshi, mashg'ulotlar, o'yinlarda o'zgarish bo'lgani yo'q. 

- Hozirgacha klub Islom Kenjaboev, Viktor Da Silva, Zoran Marushich, Temur CHogadze, Igor Golban kabi futbolchilar bilan shartnoma imzoladi. Ularni tarkibga jalb qilishda ko'proq qaysi omillar hisobga olindi?

- Selekciya ishlariga kelsak, muammoli chiziqlarimizdan hujumni kuchaytirish uchun ularni jalb qildik. Yana bir jihatga etibor qildikki, har bir poziciya bo'yicha futbolchilarning saviyasini inobatga oldik. O'ylaymanki, bu yigitlarning jamoamizga foydasi tegadi va tez kirishib ketishadi. Bizning talablarimizni tezroq tushunib olishadi. 

- Odatda har yili "Nasaf"da tarkib bilan bog'liq muammolar, deylik tajriba etishmasligi, zaxiraning kamligi pand beradi. Bu yil esa tarkibni kuchaytira olyapti. Oldinda butun boshli mavsum turganini hisobga olganda bu muammo o'z echimini topdimi?

- Tarkibimizda raqobatni kuchaytirishimiz kerak. Xoh u tajribali , xoh u yosh futbolchi bo'lsin, har bir poziciyada raqobatni kuchaytirishga harakat qilamiz. Sog'lom raqobat muhiti bo'lishi zarur. Mavsum davomida ko'p musobaqalarda qatnashamiz. Buning uchun 2ta tarkib shakllantirishimiz kerak bo'ladi. Qaerdadir yosh futbolchilarga etibor qaratamiz. Ular ham tajribasini oshirib borishi lozim. Hujum chizig'i haqida o'ylayapmiz. Himoyani ham unutib qo'yganimiz yo'q, chunki o'tgan mavsum yakunlangach 2 nafar markaziy himoyachimiz bilan xayrlashdik. Bu chiziqni ham o'ylayapmiz. 

- Viktor da Silva jamoaga tez kirishib ketgan ko'rinadi...

- Silvaning mahoratiga va bizning o'yinimizga mos kelishiga ishondik. Harakatlari yomon emas. Kreativ, vaziyatlar yaratadi, o'zi ham gol uradi. Lekin unga jismoniy tayyorgarligi va o'yinimizga ko'nikishini aytmoqdamiz. "Nasaf" har doim jamoaviy o'yini bilan ajralib turgan. Bu narsa joriy mavsumda ham bo'ladi. 

- Ayni paytda yig'inda qatnashayotgan SHarof Muhitdinov "Nasaf"da qoladimi?

- SHarof masalasida shuni aytishim mumkinki, "Nasaf"da o'ynash ishtiyoqi borligini malum qildi va biz buni mamnuniyat bilan qabul qildik. SHarof talablarimizni yaxshi biladi. Universal futbolchi, deya olaman. Bir nechta poziciyada o'ynay oladi. Bunday tipdagi futbolchilar bizga ham zarur. O'ylaymanki, mavsum davomida SHarof  biz bilan birga bo'ladi. 

- "Nasaf" yana bir sobiq futbolchisi Bobir Abdixoliqovni ortga qaytarishi mumkinligi haqida xabar chiqdi. Uni ham jamoada ko'ramizmi?

- Rejamizda. Aniq bo'lgach batafsil malumot beramiz. Darajamizni yuqoriga olib chiqdik. Endi yanada yuqoriga qarab yurishni istaymiz. 

- 4 fevral kuni Superliganing joriy mavsumiga qura tashlanadi. Ilk turdan qanday raqibni kutyapsiz?

- Kim bilan o'ynashimiz katta ahamiyatga ega emas. Mavsum davomida barcha jamoalarga qarshi o'ynaymiz. 

- Olib borilayotgan harakatlardan "Nasaf"da bu yil chempionlik uchun imkoniyat har yilgidan ham ko'proqdek...

- O'zimiz qatnashadigan barcha turnirlarda oliy maqsadni oldimizga qo'yamiz. Buning uchun bor imkoniyatimizni ishga solamiz. 

- Tajribali mutaxassis sifatida O'zbekiston terma jamoasining guruhdagi o'yinlari qanday xulosalarni berdi?

- Osiyo Kubogini kuzatib boryapmiz. O'zbekiston terma jamoasi birinchi vazifani bajardi. Boshqa jamoalardan darajamiz yuqori ekanligi ko'rinib turibdi. O'ylaymanki, nimchorak finaldan ham oson o'tamiz. 

- Yakunda hech kim kutmagan jamoa kubokni qo'lga kiritsa, u qaysi terma jamoa bo'ladi?

- Osiyo Kubogini kutilmagan jamoa qo'lga kiritishiga ishonmayman. Etakchilar o'z o'rnida qoladi. O'zbekiston terma jamoasi ham Osiyo Kubogi bilan ortga qaytishini juda istardik. Umuman olganda terma jamoamizga omad tilab qolaman. 

Reyting: +21   

Fikrlar

championat.asia
< so’nggi yangiliklarni ko’rish
Яндекс.Метрика