"Inter" yozda himoyachi izlaydi

Hozircha Milan klubi tomonidan uchta asosiy nomzod belgilab olingan. Bular – "Bavariya" himoyachisi Benjamen Pavar, "Atalanta" futbolchisi Jorjo Skalvini va "Roma" mudofaa chizig'i vakili Kris Smolling. 

Jamoaning asosiy himoyachilaridan biri Milan SHkrinyar jamoani yozda tark etishi deyarli aniq bo'lib qoldi. Stefan de Vreyning jamoadagi kelajagi so'roq ostida. Bu A Seriya klubiga eng kamida ikkita o'rinbosar kerak degani.

Pavarni yozda 30 mln evro atrofidagi mablag'ga qo'lga kiritsa bo'ladi. 19 yoshli Skalvinini olib kelish 40 mln evrodan ko'proqqa tushishi tayin. Smolling yuqoridagi uchlik orasida eng kam xarajatga tushadigan futbolchi. 

"Lill" azosi Tiagu Jalo "Inter" bilan bog'langan futbolchilardan biri bo'lib turibdi.