Igor Sergeev BAA klubiga o'tishga yaqin
12 dek 2017 19:40
Yangiliklar

Igor Sergeev BAA klubiga o'tishga yaqin

"Paxtakor" klubi va O'zbekiston terma jamoasi hujumchisi Igor Sergeev faoliyatini xorijda davom ettirishi mumkin.

Bu haqda championat.asia BAA futbol nashrlariga tayanib xabar tarqatdi.

BAA pro-ligasida ishtirok etuvchi "Al Dafra" klubi o'zbekistonlik hujumchi bilan kelishuvga erishishga yaqin. Sergeev 2015 yilda oliy liga to'purari bo'lgandi. Bu mavsum hujumchi oliy ligada 13ta gol urdi.

"Al Dafra" ayni paytda BAA pro-ligasida 11ta o'yindan so'ng 8 ochko bilan 12ta jamoa orasida 11-o'rinda bormoqda. Jamoani suriyalik Muhammad Kvid boshqarib bormoqda. Klub safida ayni paytda braziliyalik Ailton, marokashlik Issam El Adoua va Odil Xermach, iroqlik Muhannad Abdul Rahim kabi legionerlar o'ynashmoqda.

Malumot uchun, Sergeev 2016 yilda Xitoyning "Beyjing Goan" klubida ijarada o'ynab qaytgandi.