Ian Rayt: "Arteta nega Villian, Kolashinac va Mustafini maydonga tushiryapti?"

Rayt jamoa bosh murabbiyi Mikel Artetaning Sead Kolashinac, Villian va SHkodran Mustafiga ishonishda davom etayotganidan hayratda ekanligini bildirdi.

"Mening nazarimda, murabbiy ishonish mumkin bo'lgan o'yinchilarda adashyapti. Jo Uillok va Uilyam Salibaga imkoniyat bergan afzalroq va bu aniq ko'rinib turibdi. Agar Villianning o'yiniga nazar tashlasangiz, u muhim o'yinchi emasligini anglab etasiz. U nega o'ynamoqda? Kolashinac nega maydonga tushmoqda? Nima uchun Mustafini o'yinga tushirish kerak?

Men boshqa odamlarni va boshqacha o'yin ko'rishni xohlayman. Mesut O'zilga pulini bering va u jamoani tark etsin. Xuddi shu narsa Kolashinac va jamoaga yordam bermayotgan boshqa futbolchilarga tegishli.

"Arsenal" futbolchilari vaziyat jiddiyligini tushunishlari lozim. Agar jamoa "Brayton" va "Vest Bromvich"ga yutqazsa, holat yanada yomonlashishi mumkin. "Arsenal" ushbu uchrashuvlarda g'alaba qozonishi kerak", – deydi Rayt.