Hojimat Erkinov: "Superligadagi eng qiyin raqib - "Nasaf"
02 apr 2022 06:31
Yangiliklar
Hojimat Erkinov: "Superligadagi eng qiyin raqib - "Nasaf"
Bellashuv nihoyasiga etganidan keyin "sherlar" yarim himoyachisi Hojimat Erkinovning fikrlariga quloq tutdik.

- O'yin yaxshi bo'ldi. "Navbahor"dan har jabhada ustun edik. SHu tufayli yakunda g'alaba qozondik.
- O'yinning asosiy vaqti tengkurashlar ostida o'tgandek tuyuldi. Agar gol urilmasa, durang siz uchun qoniqarsiz natija bo'larmidi?
- Markaziy o'yinlarda faqat safarda o'ynayotgan tomonni 1 ochko qoniqtirishi mumkin. Biz bugun faqat 3 ochko uchun maydonga chiqqandik. Bu bevosita o'yinda ham ko'rindi.
- "Paxtakor" vingerlari doimiy tarzda qanotlarni almashtirib o'ynashadi. Hojimat Erkinovga ko'proq qaysi qanot qulayroq?
- To'g'risini aytsam, katta futbolga o'tayotganimda o'zimni chapda qulayroq his qilardim. Biroq, "Paxtakor"da o'ng tomonga tushirish barobarida qanday harakatlansam, foydaliroq bo'la olishimni uqtirishdi. Hozir ikkala tomonda bir xil erkinman.
- Bugun chempionlikka davo qilayotgan 2 klub o'zaro to'qnashdi. "SHerlar" oltin medallar uchun kurashda asosiy xavfni qaysi jamoadan kutyapti?
- Hozircha barcha klublar bilan to'qnashmadik. SHunga hammaning kuchiga to'g'ri baho berolmaymiz. Lekin, ortda qolgan o'yinlardan xulosa qilsak, eng kuchli raqib "Nasaf" edi.
- "Navbahor"dan ham kuchliroqmi?
- Ha, mavsumdagi birinchi rasmiy o'yinligi uchun bo'lsa kerak, Superkubok bahsi qiyinroq o'tgandi.
- "Paxtakor" 4 aprel kuni OCHLda ishtirok etish uchun Saudiya Arabistoniga jo'nab ketadi. Guruhdagi raqiblar haqida qanday fikrdasiz?
- Rosti, hali raqiblarni jamoa bilan tahlil qilmadik. Bugungacha asosiy etiborimiz "Navbahor"ga qaratilgan edi. Mana, endi OCHL haqida o'ylashni boshlasak bo'ladi.
O’xshash yangiliklar
championat.asia
Суперлига. Чемпионлик учун курашаётган "Насаф" ўз майдонида "Машъал"га мағлуб бўлди
Суперлига. "Бухоро" ўз уйида бир киши кам "Нефтчи"дан очко тортиб олди
ЖЧ U-17. Ўзбекистон Ирландияга имкониятни бой берди
Эшитдик-да! Кападзе Ўзбекистон терма жамоасидан кетди
Fikrlar