Grem Potter: "Men tayyor mahsulotni qabul qilib olganim yo'q"

"Og'riqli hisob va mag'lubiyat bo'ldi. Biz o'zimizga kela olmayapmiz. Muxlislarimizning jaxli chiqib turganida bizga ham oson bo'lmaydi. Hisob og'riqli bo'ldi. "Brayton" ajoyib o'yin ko'rsatdi, ayniqsa, birinchi bo'limda.

Barchamiz dastlabki bo'limdagi o'yin uchun javobgarlikni bo'ynimizga olishimiz kerak. Kerakli darajada o'ynay olmadik. O'z vaziyatlarimizdan foydalana olmadik, raqiblar esa barcha vaziyatlaridan urib ketishdi.

Raqib darvozasiga xavf solish uchun ko'plab vaziyatlarimiz bo'ldi. Afsuski, so'nggi pas yoki zarbalar noaniq bo'laverdi. Qachonki mag'lub bo'lsang, yanada ko'prog'iga erisha olishingni tushunishing kerak bo'ladi.

"Brayton"dan uzr so'raydigan joyim yo'q. Ushbu klubda yaxshi ishladim deb o'ylayman. Odamlar esa o'z fikrini boshqacha tarzda namoyish qilishmoqda.

Mag'lubiyat ham jarayonning bir qismi. Tasirlanish, og'riq his qilish ham kerak. Bu esa o'sib-ulg'ayish uchun foydali. Men tayyor mahsulotni qabul qilib olganim yo'q. Bugungi og'riqdan to'g'ri hulosa chiqarishimiz kerak", - dedi Potter.