Gregg Berxalter: "O'zbekistonga qarshi uchrashuv kamchilik va yutuqlarimizni o'rganish vositasi bo'lib xizmat qiladi"
11 sen 2023 12:23
Yangiliklar

Gregg Berxalter: "O'zbekistonga qarshi uchrashuv kamchilik va yutuqlarimizni o'rganish vositasi bo'lib xizmat qiladi"

AQSH - O'zbekiston (3:0) o'rtasidagi o'rtoqlik uchrashuvidan so'ng mezbonlar bosh murabbiyi Gregg Berxalter o'z fikrlari bilan o'rtoqlashdi.

"O'zbekistonga qarshi uchrashuv kamchilik va yutuqlarimizni o'rganish vositasi bo'lib xizmat qiladi. Biz o'yinimizni yaxshilashga harakat qilamiz va yaxshilashimiz shart. Bunga erishamiz. Bellashuvning so'nggi 10 daqiqasidagi o'yin uslubimiz menga manzur bo'ldi. Guvohi bo'lganingizdek, yigitlar oldinga borish istagidan to'xtamadi. SHogirdlarim 1:0 hisobini saqlab qolish istagida harakat qilmasdan, o'yinga shiddat qo'sha olishdi.
Raqib mudofaasida beshlik harakat qildi, uni yorib o'tish esa murakkab. Yana bir narsa takidlamoqchiman, to'pni yo'qotgach, himoyaga qaytish ustida jiddiy ishlashimiz lozim.
Menimcha, boshlanishi uchun yaxshi. Boshqa mintaqa jamoalari bilan xalqaro raqobat shu kabi bahslarda aks etadi", - dedi amerikaliklar ustozi.