Godvin CHika Okvara: “Olimpik” bilan o'yinda o'z darajamizda o'ynay olmadik”

SHu tariqa, muborakliklar kelgusi yildan faoliyatini Pro-Ligada davom ettiradi. Yakunlangann mavsum borasida jamoaning yana bir legioner futbolchisi Godvin CHika Okvara bilan suhbatlashdik. 

- “Olimpik”dan uchralgan mag'lubiyat borasida fikringiz?

- To'g'risi, biz shu kuni o'z darajamizda olmadik. “Olimpik” Pro-liga ishtirokchisi bo'lishiga qaramay, yaxshi o'ynadi va haqli ravishda g'alabani qo'lga kiritdi. Biz Superligada qolishni maqsad qilgandik. 

- Eshitishimizcha, jamoa haligacha maosh bermayapti ekan?

- Afsuski ha. Maosh va mukofat pullarimizni olganimizcha yo'q.

- Aytingchi, “Mashal” faoliyatingizdagi eng katta jamoa hisoblanadimi?

- O'zbekistonga kelgunimga qadar faoliyatim davomida Seyshel orollari, Nigeriya, Efiopiya va Togo kabi mamlakatlarda to'p tepganman. “Mashal” esa ular orasida mavqei jihatidan katta jamoa deyishim mumkin. Biroq Efiopiyada ham yaxshi jamoada o'ynaganaman va u erdagi faoliyatimdan qoniqish hosil qilganman. O'zbekistonda esa futbol ancha yaxshi rivojlangan. Menga u erda to'p tepish juda yoqdi. 

- Keyingi rejalaringiz qanday?

- Ayni vaqtda agentim yangi jamoa topish bo'yicha bir nechta klublar bilan muzokaralar o'tkazmoqda. Tez orada yangi jamoa nomi malum bo'ladi. Agar O'zbekistondan taklif bo'lsa, ko'rib chiqqan holda shu erda qolgan bo'lardim.