Gennadiy Kochnev: "G'alabani kutaverib charchagandik"
18 apr 2023 22:34
Yangiliklar

Gennadiy Kochnev: "G'alabani kutaverib charchagandik"

Teglar : Genaddiy Kochnev "Andijon-SGS""G'ijduvon"

Pro-liganing 6-turi doirasida "Andijon-SGS" ustidan qozonilgan g'alabadan keyin "G'ijduvon" bosh murabbiyi Gennadiy Kochnev o'z fikrlarini bildirdi.

- Muhim uch ochko va ilk g'alabaga erishdik. Natijadan mamnunman. Og'ir seriya bo'lib turgani uchun g'alabani qo'lga kiritish oson bo'lmadi. Birinchi bo'limda gollar urib oldik, ikkinchi bo'limda esa yosh raqiblarimiz yaxshi o'yin ko'rsatdi. Ularning o'yini menga yoqdi. Raqiblar ko'plab yaxshi vaziyatlar yaratishdi, bazida bizga omad kulib boqdi.

- Dastlabki 30 daqiqalikda "Andijon-SGS" jamoangizdan ko'ra yaxshiroq o'yin ko'rsatdi.

- Raqib o'yinni yaxshi boshladi. Ikkinchi bo'limda ham hujumkor harakat qildi va bizdan ko'ra tezkorroq o'ynadi. Birinchi bo'limda 3ta gol urib olganimiz yaxshi bo'ldi. Ikkinchi bo'limni esa bizning foydamizga deb aytmagan bo'lardim. Bizda ham yaxshi vaziyatlar bo'ldi. Ammo raqiblar o'z imkoniyatlaridan foydalana olmadi.

- Beshinchi turga kelib ilk g'alaba qo'lga kiritildi. Qanday xissiyotlar o'tmoqda?

- Uzoq kutilgan g'alaba, ilk g'alaba - demak, xissiyotlar yaxshi. CHarchoq alomatlari ham bor. Omadsizliklar, mag'lubiyatlardan keyin g'alabani kutib charchagandik. Bugungi g'alaba jamoaning kayfiyatini ham ko'taradi.

Havola :

Manba : championat.asia

Yangiliklarni Telegramda o'qing!

Reyting: -1