Gay bilan Kasyan “Andijon”ni tark etdi

Bitta g'alaba va bitta durangdan tashqari “burgutlar” qolgan 7 o'yinda raqiblariga imkoniyatni boy berdi. Bu esa jamoani turnir jadvalida pastki o'rinlarga “jyolab” qo'ydi. Yaqinda “Nasaf”ni qabul qilgan andijonliklar 1:0 hisobida imkoniyatni boy berdi. SHundan so'ng klubda yo'qotishlar kuzatildi.

Gap shundaki, yil boshida murabbiylar shtabida ish boshlagan Robert Gay o'z arizasiga binoan “Andijon”ni tark etdi. Aftidan Robert Sergeevich yana birinchi liga vakili “CHust-Paxtakor”ga qaytadigan ko'rinadi. CHunki chustliklarning bu yilgi qayd etayotgan natijasi yaxshi emas, shu bois rahbariyat yana boshqaruv postiga Gayni taklif etishni ko'zlayotgan bo'lsa ajab emas.

“Andijon”ni murabbiydan tashqari legioner futbolchi Aleksey Kasyan ham tark etdi. Moldoviyalik futbolchi joriy mavsum bir nechta o'yinlarda jamoadoshlarini maydonga sardor sifatida boshlab tushgandi. Lekin u oxirgi paytlarda o'zidan kutilgan o'yinni namoyish eta olmagan ko'rinadi. SHu sababli futbolchi vataniga qaytgan.
Eslatib o'tamiz, bundan oldin Abduraimov hujumchi Viktor Raskov bilan ham xayrlashishga qaror qilgandi.

Aytishlaricha, birinchi davradan so'ng jamoada jiddiy o'zgarishlar bo'lishi kutilmoqda.