Futzal: Osiyo chempionati-2016 saralash bosqichiga qura tashlandi

Eslatib o'tamiz, Osiyo chempionatining final bosqichi 2016 yilning 9 - 21 fevral kunlari O'zbekiston poytaxti Toshkent shahrida bo'lib o'tadi.

Qura natijalari quyidagicha bo'ldi.

G'arbiy Osiyo mintaqasi (ikkita guruhga ajratildi, har bir guruhdan ikkita jamoa final bosqichiga chiqadi)

"A" guruhi: Livan, Saudiya Arabistoni, Baxrayn, Iordaniya
"B" guruhi: Iroq, Qatar, BAA

Ushbu mintaqa jamoalari o'rtasidagi o'yinlar 1-3 oktyabr kunlari Malayziyada o'tkaziladi.

Markaziy Osiy mintaqasi (ikkita jamoa final bosqichiga chiqadi)

Bu mintaqadan saralash bosqichida ishtirok etadigan jamoalar soni 4ta bo'lgani sabab ular uchun qura o'tkazilmadi.

"A" guruhi: Tojikiston, Qirg'iziston, Turkmaniston, Afg'oniston

Bu mintaqa jamoalari o'yinlari 14-16 noyabr kunlari Tojikistonda bo'lib o'tadi.

SHarqiy Osiyo mintaqasi (ikkita jamoa final bosqichiga chiqadi)

Ushbu mintaqadan saralashda ishtirok etadigan jamoalar soni 5ta bo'lgani uchun guruh qurasiz aniqlandi.

"A" guruhi: Mo'g'iliston, Xitoy Taypey, (Xitoy), Janubiy Koreya, Gongkong.

Bu mintaqa jamoalari o'yinlari 14-16 noyabr kunlari Mo'g'ilistonda bo'lib o'tadi.

Yaponiya, Eron va O'zbekiston terma jamoalari 2014 yili Vetnamda bo'lib o'tgan Osiyo chempionatida eng yaxshi natija ko'rsatgan jamoalar sifatida to'g'ridan to'g'ri final bosqichiga yo'llanma oldi. O'zbekiston navbatdagi Osiyo chempionati mezboni sifatida ham to'g'ridan-to'g'ri yo'llanmaga ega bo'lgani uchun avvalgi chempionatda to'rtinchi yaxshi natijani qayd etgan Quvayt terma jamoasi ham final bosqichiga saralashsiz yo'llanma oldi.

Diqqat tanlov!