Futbol olamida ilk bor: jamoa shifokori – Yozuvchilar uyushmasi azosi

Ularning vazifalari va maqsadlari turlicha. Ammo futbolni ijod bilan bog'lovchi insonlar sportda hadeganda topilavermaydi. Futbol va adabiyotda ilk bora kuzatilayotgan – jamoa shifokori sifatida faolyat yuritib, yozuvchilik maqomiga erishgan Abror Pirriev hayotida yangi evrilish! 

“Lokomotiv” jamoasi shifokori, O'FA tibbiy qo'mitasi raisi Abror Pirriev kuni kecha O'zbekiston Yozuvchilar uyushmasi azoligiga qabul qilindi. Uyushma raisi Sirojiddin Sayyid tomonidan topshirilgan azolik guvohnomasi nafaqat tajribali shifokorimizni, balki butun futbolimizni buyuk adiblardan meros ijod olami bilan chambarchas bog'lovchi ramziy ko'prik bo'lishiga ishonamiz. Abror Pir Muhammad taxallusi bilan ijod qiluvchi yozuvchi-shifokorimizga kelgusi ishlarida omad, ijodlariga baraka tilab qolamiz.