Fotomaqola: MTJ mashg'ulotlaridan ikkinchi kun

Bu safar "Sport TV"dan ikki nafar hamkasbimiz ham ishtirok etdi. Qosimov Lissabondaligi uchun SHuhrat Maqsudov va Baxtiyor Ashurmatov dastur asosida mashg'ulot o'tkazdilar.



Nima uchun "Navbahor"ning puli bo'lmasa-da, yaxshi o'ynayapti degan savolga javob. Baxtiyor Ashurmatov futbolchilar bilan juda zo'r gaplashib qo'yadi. Bu futbolda juda muhim. Terma jamoada yangi bo'lgan Husniddin G'ofurovga Baxtiyor Ashurmatov terma jamoa haqida tushuncha beryapti.




Jasur Hasanov va Odil Ahmedov bir to'p ketidan. Faxriylar chetga chiqayotgan bir paytda katta masuliyat shu futbolchilarimizning zimmasiga tushadigan bo'lib turibdi. Yoshlarimiz chiqyapti deymiz-u, ammo bu yoshlarning maydon tashqaridagi turmush tarzi pulni deb o'zgarib ketyapti.




Etibor bergan bo'lsangiz, terma jamoamizning futbolkalari bir xil bo'lib qoldi. Ikkita 6 raqami ham yo'q. Keyin shortikda boshqa, futbolkada boshqa bo'lgan raqamlarga ham barham berildi. Bu borada jamoa mamuri Baxtiyor Ismoilovning xissasi katta. SHu faqat bitta futbolka bera olmaydi-da, a labbay?