Finaldan oldingi muxlislar fikri

Saytimiz muxbiri finalga kirish uchun chipta olayotgan bir qator muxlislarning fikrlari bilan qiziqdi.

Abdumavlon Jumaboev (Olmaliq shahri): Bugun mana Farg'onada katta futbol. Biz muxlislar Olmaliq shahridan AGMK jamoasini qo'llab quvvatlash uchun etib keldik. Nasib etsa bugun jamoamiz g'alaba qozonib OCHL yo'llanmasini qo'lga kiritadi degan umiddamiz.

Zohidjon Ziyoxonov (Toshkent shahri): Biz "Paxtakor" jamoasini qo'llab-quvvatlash uchun Toshkentdan etib keldi. Bugun chiroyli futbol ko'ramiz deb o'ylayman. Nega deganda AGMK tarkibi ham kuchli, ular ham jiddiy qarshilik ko'rsatishsa kerak. "Paxtakor"ga omad tilayman, lekin bugun kim kuchli bo'lsa o'sha jamoa g'alaba qozonsin.

Zafarbek Karimov (Olmaliq shahri): Bugun biz uchun  unutilmas kun. Sababi jamoamiz OCHL yo'llanmasini qo'lga kiritishga juda yaqin turibdi. Bitta o'yin-bugungi finalni yutsak, biz OCHLga chiqamiz. SHu sababdan jamoamizni qo'llab-quvvatlash uchun etib keldik.

Axrorbek Tursunov: (Andijon viloyati): "Paxtakor" shonli tarixga ega bo'lgan jamoa. Bugun biz aynan ularga muxlislik qilamiz. O'ylaymizki bugun "Paxtakor" O'zbekiston kubogini boshi uzra baland ko'taradi.

Bekzod Tolibov yozib oldi