Fevzi Davletov: "Har ikki jamoa ham g'alaba uchun kurashdi"
22 apr 00:11
Yangiliklar

Fevzi Davletov: "Har ikki jamoa ham g'alaba uchun kurashdi"

Superliganing 6-turidan o'rin olgan "Surxon"-"Navbahor" (1:0) uchrashuvidan so'ng mezbonlar bosh murabbiyi Fevzi Davletov matbuot anjumanida ishtirok etdi.

O'yin haqida

- Yaxshi o'yin bo'ldi. Har ikki jamoa ham sifatli va tomoshabop futbol ko'rsatdi. Birinchi bo'limda juda yaxshi o'yin ko'rsatdik. Ikkinchi bo'limda raqib ham o'z kuchli tomonlarini namoyish etdi. Vaziyatlardan foydalanish bo'yicha kamchiliklarimiz bor. Jamoamiz muxlislarini g'alaba bilan tabriklayman.

- "Surxon" nega 5 ta turdan so'ng o'zini haqiqiy kuchini ko'rsatayapti?

- Dastlabki turlarda ayrim etakchi futbolchilarimiz tarkibimizda yo'q edi, kech qo'shilishdi. Ayrim sabablar shu bilan ham bog'liq. Shuningdek, mavsum startida har qanday jamoada ham adaptaciya og'ir o'tishi mumkin. Tarkibimizda yosh futbolchilar, ular o'yindan-o'yinga tajriba to'plab, kuchayib borishadi.

- "Surxon" haqiqatdan ham birinchi bo'limda juda yaxshi o'ynadi. Gol bo'lmayotgani uchun ikkinchi bo'limda "V" rejani ishga soldingizmi?

- Birinchi bo'limda ko'p hujumlar tashkil etdik. Biroq, vaziyatlarimizdan unumli foydalana olmadik. Ikkinchi bo'limda tarkibda rotaciyalarni amalga oshirdik. Har ikki jamoa g'alaba uchun o'ynadik. Penaltidan gol ura olmagan futbolchimiz o'yindagi vaziyatdan hisobni ochdi va g'alaba golimizni urdi.