Fevzi Davletov: "Birinchi bo'limda ustunlikka erishgan bo'lsak ham, to'p raqib darvozasiga kirmadi"

O'yin haqida

- Og'ir o'yin o'tkazdik. Birinchi bo'limda imkoniyatlarimiz ko'proq bo'ldi, vaziyatlar yaratdik. Biroq, raqib darvozasiga to'p kirmadi. Tanaffusdan keyin "Qizilqum" vakillari o'yinni kuchaytirishdi. Bizda xatolar ko'zga tashlana boshladi. To'pni nazorat qilishgi intildik. Yuzaga kelgan imkoniyatdan foydalanib gol urdik va g'alabaga erishdik. 

Jamoa azolarini g'alaba uchun tabriklayman va olqishlayman. Uzoqdan kelib bizni qo'llab-quvvatlab turgan muxlislarimizga raxmat aytaman.

- Farrux Ikromov almashtirilishiga jarohat sabab bo'ldimi? 

- Ha, u ozroq og'riq his qildi. SHu boisdan almashtirdik. Ertaga ko'rikdan o'tadi va u haqida aniq bilib olamiz. 

- "Qizilqum" jamoasining birinchi davradagi va hozirgi holati bo'yicha farq sezdingizmi? 

- Ha, jamoa o'yinida anchayin o'sish bor. Birinchi bo'limdagi ustunlik biz tomonda bo'ldi. Biroq ikkinchi bo'limda "Qizilqum" vakillari o'z o'yinlarini kuchaytirishdi. Og'ir g'alabaga erishdik. 

-"Surxon" O'zbekiston kubogi musobaqasida yarim finalga chiqdi. Jamoa maqsadi kubokka qaratilganmi yoki chempionatgami? 

- Biz har bir o'yinga g'alaba uchun tayyorlanamiz. Oldimizdagi har bir uchrashuv finaldek o'tadi, boshqacha yo'limiz yo'q.