Farhod Sohibjonov: "SHu muxlislar uchun ham "Andijon" Superligaga qaytadi"

Mazkur uchrashuvda jamoasining ikkita goliga mualliflik qilgan futbolchilardan biri Farhod Sohibjonovdir. O'yindan so'ng yarim himoyachining fikrlari bilan qiziqdik. 

"Xorazm" bilan o'yindan so'ng ruhiy tushkunlikka tushib qolgan edik. Agarda bu o'yinni yutib olsak hammasi o'tib ketardi. Xudoga shukur "Aral Samali"ni mag'lubiyatga uchratdik. Muxlislar oldida yuzimiz yorug' bo'ldi. Xudo xohlasa shu ishqibozlar uchun ham jamoa Superligaga qaytadi.  

Pro liganing dastlabki turlaridan jamoalarni kuchli yoki kuchsizga ajratish qiyin. Raqibimiz ilk daqiqalardan boshlab yaxshi harakat qildi. Birinchi gol esa ishimizni osonlashtirdi. Murabbiyimiz nima bo'lishidan qatiy nazar oldinga pressing qilishimizni aytgandi. 

Maqsadim joriy mavsumni yuqori darajada o'tkazib top klublar safiga borib qo'shilish. Har bir futbolchi katta jamoalarda o'ynashni orzu qiladi",- deydi Farhod Sohibjonov