Evro-2024da porlagan Niko Uilyams haqida hikoya (Bekzod Tolibov blogi)

Mamlakatda yuzaga kelgan iqtisodiy inqirozlar sabab yashash joyini tashlab, Ispaniya tomon jo'nagan Feliks va Mariya yo'lda katta qiyinchiliklarga duch kelishadi. Sahroi Kabirdan piyoda yurishga majbur bo'lgan yosh oila o'sha vaqtda farzand kutayotgandi. Mashaqqatlar evaziga manzilga amallab etib kelgan Uilyamslar oilasi vakillari chegara devorlaridan oshib o'tayotganlarida policiya tomonidan qo'lga olinadi. Biroq, ularni oldinda qamoq jazosi kutmayotgandi, tasodif bilan liberiyalik qochqinlar orasiga tushib qolishadi va Ispaniya hukumati Feliks va Mariyani ham qochqinlardan deb hisoblab, boshpana beradi. Yosh oila Bilbaodagi cherkovga ishga joylashtiriladi. Bu cherkovda ularning katta farzandlari dunyoga keladi. Feliks oilasiga qilgan yaxshiliklari uchun katta o'g'liga cherkov ruhoniysi Inyaki Mardonesning ismini beradi. Katta o'g'il Inyaki Uilyams shu tariqa dunyoga kelgandi.

Mariya Niko uchun xomiladorlik vaqtida Bilbaoda ham qiyinchilik kunlar yuzaga keladi. SHundan so'ng oila ish qidirib Pamplonaga ko'chib o'tadi. Niko Uilyams aynan shu shaharda dunyoga keladi. Bu orada oila boshlig'i Feliks bir muddat Londonga boradi va "CHelsi" klubiga tegishli bo'lgan "Stemford Bridj" stadionida xavfsizlik xizmatchisi lavozimida ishlaydi.

Bu orada katta o'g'il Inyaki katta futbolga qadam qo'yadi va Bilbaoning "Atletik" klubida o'ynay boshlaydi. Ukasidan farqli ravishda Uilyamslarning kattasi Gana terma jamoasi safida harakat qiladi. Ukasi Niko Uilyams esa Ispaniya terma jamoasini tanlagan.

Inyaki va Niko bazan maydonda ham bahslashib turishadi. Kunlardan bir kun Ispaniya chempionati doirasidagi "Alaves" bilan o'yinda Inyaki Nikoni sheriklariga uzatma bermaslikda ayblaydi va aka-ukalar tortishib ketishadi. Ular o'rtasidagi janjalni televizor orqali ko'rgan onalari Mariya ikki farzandiga ham qo'ng'iroq qilib, bunday holat boshqa takrorlanmasligi haqida qattiq ogohlantiradi. Inyaki va Niko bu talabga qatiy bo'ysunishadi va boshqa tortishishmaydi. CHunki ikkisi ham ota-onasi boshdan kechirgan qiyinchiliklarni yaxshi bilganliklari uchun ularni qattiq hurmat qilishardi.

Evro-2024 vaqtida Inyaki yaqindagina uylangan edi. Yosh oila asal oyi uchun Gavaya orollarini emas, aynan Germaniyani tanlashdi. Inyaki Ispaniya terma jamoasi ishtirokidagi har bir o'yinni stadionning o'zidan kuzatib boradi va turli nashrlarga bergan intervyularida ukasining o'yinlari uni hayratlantirayotgani haqida aytadi.

Kichik Uilyams yozgi transferlar oynasi vaqtida "Barselona"ga o'tishga yaqin turibdi. Kataloniyaliklar futbolchi uchun tovon puli to'laydi. Uilyamsning "Barselona"dagi maoshi yiliga 12 mln evroni tashkil qiladi. SHu tariqa u yarim himoyachi Frenki de Yong (yiliga 37,5 mln evro) boshchiligidagi eng ko'p maosh oluvchi "ko'k-anorranglilar" futbolchilari ro'yxatida ettinchi o'rinni egallaydi. "Atletik"da Uilyams yiliga 10,4 mln evro ishlab topgan.

sports.ru malumotlari asosida tayyorlandi