Eshitdik-da! Olimpiadaga boradigan futbolchi "Bunyodkor"ga o'tmoqda

Championat.asia sayti malumotiga ko'ra, OKMK klubiga tegishli bo'lgan himoyachi Asadbek Rahimjonov mavsumning ikkinchi qismini "Bunyodkor" safida ijarada o'tkazadi. Rahimjonov birinchi davrada "Olimpik" tarkibida ijarada o'ynagandi va ayni paytda O'zbekiston U-23 terma jamoasi safida Franciyada yozgi Olimpiya o'yinlariga tayyorgarlik olib bormoqda. 

Malumot uchun, 2004 yilda tug'ilgan himoyachi bugunga qadar O'zbekiston Superligasida jami 30 ta o'yinda maydonga tushdi va 1 ta gol urdi. Transfermarkt portali ayni paytda Rahimjonovni 300 ming evroga baholamoqda.