Ertaga "Neftchi" "Olmaliq" bilan o'ynaydi

Andrey Fyodorov shogirdlari 18 fevral kuni bo'lib o'tadigan o'yinda “Olmaliq” jamoasiga qarshi maydonga tushadi.

Eslatib o'tamiz, bu farg'onaliklarning Toshkentdagi ikkinchi o'rtoqlik bahsi hisoblanadi. Malumot o'rnida, “Neftchi” jamoasi bundan avval “Qo'qon-1912”ga qarshi o'yin o'tkazgan va o'sha bellashuvda Fyodorov jamoasi 2:1 hisobida g'alabaga erishgan edi.

Bahrom Haydarov bosh murabbiyligidagi o'rinbosarlarimiz ham mavsumga qizg'in tarzda tayyorlanishmoqda. “Neftchi” o'rinbosarlarini oldinda 2 ta o'rtoqlik uchrashuvi kutmoqda. Yosh farg'onaliklar 20 fevral kuni Farg'ona shahrida “Andijon” o'rinbosarlariga qarshi o'z imkoniyatlarini ishga solishadi. Navbatdagi bellashuv esa 24 fevral kuni Namanganda  “Navbahor” yoshlariga qarshi bo'lib o'tishi reja qilingan.

“Neftchi” PFK matbuot xizmati.