Eron futbol Federaciyasi OFKga boykot elon qildi

Bu yilgi tantanali marosim 1 dekabr kuni BAA poytaxti Abu-Dabi shahrida bo'lib o'tadi.

OFK ushbu mamlakatning yutuqlariga munosib baho bermagani uchun marosimda qatnashmasligini Eron futbol Federaciyasi prezidenti Mehdi Toj malum qildi.

"Biz eng yaxshi bo'lish uchun davogarlar orasida yo'qligimizni bilgach OFK gala marosimiga bormaslikka qaror qildik", - deydi OFK prezidenti SHayx Salmon bin Ibrohim al Xalifaga xat yozgan Mehdi Toj.

"Eron futzal terma jamoasi Kolumbiyadagi mundialda uchinchi o'rinni egalladi. Jamoa vakili Ahmad Ismoilpur esa Jahon chempionatining bronza to'pini qo'lga kiritdi".

"Eron U-19 va U-16 terma jamoalari Jahon chempionatiga yo'llanma olishdi. Plyaj futboli bo'yicha Eron terma jamoasi Dubaydagi Qitalararo kubogida ikkinchi o'rinni egalladi. Bundan tashqari aynan eronlik Alirizo Fag'oni Rio-de-Janeyrodagi Olimpiada o'yinlarining futbol musobaqasi finalida bosh hakam bo'ldi".

"Eron milliy terma jamoasi ayni paytda JCH-2018 saralashida o'z guruhida birinchi o'rinda bormoqda. Jamoa FIFA reytingida 27-o'ringa chiqib oldi. Eron Osiyo terma jamoalari orasida eng birinchi pog'onada turibdi. Eron futbol Federaciyasi o'z tarixida ilk bor bir yil ichida bunday natijalarga erishdi", - deydi Mehdi Toj persianfootball.com nashriga.