Eldor SHomurodov: “Iroq bilan bahsda xato qilishga haqqimiz yo'q”

Bugun, 15 yanvar kuni terma jamoamiz futbolchilari OAV vakillarining savollariga javob qaytarishdi. “Bunyodkor” matbuot xizmati olimpiya terma jamoasidagi “Bunyodkor” vakillarining fikrlari bilan qiziqdi. Hujumchi Eldor SHomurodovning dastlabki uchrashuv va keyingi bahs oldidan bildirgan fikrlari quyidagicha yangradi.

- Birinchi o'yinda o'zimizga kerakli natijani qo'lga kirita olmadik. Janubiy Koreya terma jamoasining Osiyoda o'z o'rni bor. SHunga qaramasdan, ularga munosib qarshilik ko'rsatdik, deb o'ylayman. Koreyslarga qarshi ko'rsatgan o'yinimdan qoniqmadim. Endi hato qilishga haqqimiz yo'q. Iroq terma jamoasini nima qilib bo'lsa ham mag'lubiyatga uchratishimiz kerak. Yaxshi va chiroyli, eng muhimi samarali o'yin ko'rsatishga harakat qilaman, - deydi Eldor SHomurodov.