Edgar Gess: "O'yin durangga mos edi"

- O'yin durangga mos edi. Gol o'tkazib yuborgunimizga qadar yigitlar hammasini to'g'ri bajarishayotgandi. Bugun kim bitta to'p kiritsa, o'sha jamoa g'alaba qozonardi. Gol kutilmagan holatda darvozamizga kiritildi. Birgina ana shu vaziyatni inobatga olmaganda biz uchun hammasi yaxshi ketayotgandi. Yana takrorlayman, durang natijasi qayd etilganda haqqoniy bo'lardi. Yagona gol o'yin taqdirini hal qildi. Ikkala jamoa ham ochko olish uchun maydonga tushgandi va o'yin shunga yarasha kechdi. O'ylaymanki, bugungi bahs muxlislarga yoqdi.

- Rustam Azamovni asosiy tarkib ro'yxatiga kiritgandingiz. Lekin so'nggi soniyalarda u maydonga tushmaydigan bo'ldi. Bunga sabab nima?

- Ha, uni dastlabki daqiqalardan o'ynashini xohlagandik. Ammo uchrashuv boshlanishi arafasida Rustam oyog'i og'riyotganini aytdi. SHuning uchun uni tarkibdan chiqarishga majbur bo'ldik. SHuningdek,Sanjar Asqaraliev ham kutilmaganda betob bo'lib qoldi. SHu sababli maydonga tusha olmadi. Sog'lig'i yaxshi bo'lmagani uchun Asqaralievni maydonga tushirib tavakkal qilishni xohlamadik. Azamov va Asqaralievni bugun yo'qligi bilindi yoki bilinmadi deyishim qiyin. Bunday o'yinlarda bir-ikkita futbolchi emas jamoaviy o'yin muhim o'rin tutadi. Uchrashuv taqdirini hal qilgan golni o'tkazib yubormaganimizda o'yin durang bilan yakunlanardi.