"Dinamo" avtobusi va andijonlik muxlislar

Bu haqda klubning Telegram kanalida yozildi. Xabarda shunday deyilgan: "Bugun "Navro'z" bayrami kuni Samarqand viloyat hokimi Erkinjon Turdimov va klub homiylari tomonidan sovg'a qilingan «Dinamo» PFK yangi avtobusi Samarqandga etib keldi!" 

Albatta, samarqandliklarni ushbu quvonchli yangilik bilan tabriklaymiz. Nasib qilsa bu avtobus jamoaga hali ko'p yillar xizmat qiladi. Ushbu xabar andijonlik muxlislarni ham beetibor qoldirmadi va "Andijon" muxlislari Telegram kanalida shunday post qoldirildi: 

"Avtobus qulluq bo'lsin, "Dinamo" muxlislari, klub avtobusli bo'lsa albatta muxlislar xursand bo'lishadi. Bizni "Andijon" bosh homiysi bo'lgan GM UZBEKISTAN degan homiy tomonidan velosiped ham yo'q". 

Ana shunaqa gaplar...