De Xea: "Manchester Yunayted" jiddiy sovringa davogarlik qilmoqchi bo'lsa, shu tarzda g'alaba qozona olishi kerak"

"Qizil iblislar" 38-daqiqada hisobda oldinga chiqib olishdi va asosan darvozabonining o'yini evaziga ustunlikni saqlab qolishga muvaffaq bo'lishdi.

"Manchester Yunayted" kabi klubda o'ynasang, doim g'alaba qozonishni xohlaysan, lekin biz mavsumni yaxshi boshlamadik. Hozir men juda mamnunman. Biz yo'limizda davom etishimiz va mashg'ulotlarda jiddiy ishlashimiz kerak.

Juda muhim g'alabaga erishdik. Agar biz yuqori o'rinlar uchun kurashmoqchi bo'lsak, bugungidek g'alaba qozona olishimiz kerak. Odamlar darvozabonlar charchamaydi deb o'ylashadi, lekin men charchoq his etyapman. O'yinni yaxshi nazorat qildik, ammo yakunda biz uchun qiyin bo'ldi, sabr qilishga to'g'ri keldi", – dedi ispaniyalik futbolchi o'yindan so'ng.