Davron Isoqov: "Bizga tajribasizlik pand berdi"

- O'yin haqida

- To'g'risi, bugun bizga tajribasizlik pand berdi. Jamoamiz nisbatan yosh va yaratilgan vaziyatlarda sovuqqonlik etishmayapti. O'yin tomonlama "Buxoro"dan aslo qolishganimiz yo'q. Tengma-teng o'ynadik, gol urish uchun qulay vaziyatlarga ham ega bo'ldik. Ammo bugun ikki ochko yo'qotdik. 

- O'tkazilgan ikki o'yin xususida

- CHempionatning dastlabki ikki turida "Turon" va "Buxoro"ga qarshi o'ynadik. Ikkisi ham ancha kuchli va o'z oldiga maqsad qo'ygan. Lekin jamoamiz murabbiylar shtabi mazkur bahslarga astoydil tayyorlagandi. Afsuski, tajribasizlik sabab vaziyatlarimizdan foydalana olmadik. Ayniqsa, “Buxoro” darvozasini ishg'ol qilish uchun etarli imkoniyat bo'ldi. Omad ham etishmadi. 

- "Buxoro" haqida

- Ularda hammasi yaxshi. Jamoaga tajribali futbolchilar kelgan. CHempionatni qay tariqa o'tkazishini vaqt ko'rsatadi. 

- "SHo'rtan"ga kelishi va "Neftchi"ga o'tishi amalga oshmagani borasida

- Bu erga meni bosh murabbiy Asror Aliqulov taklif qildi. 

Qirg'iziston klubi bilan og'zaki kelishib qo'ygandik. Jamoa mashg'ulotlarida bir hafta davomida ishtirok etdim. Lekin bizning futbol ulardan ancha ustun ekan. Moslashishda ham qiyinchilikka duch keldim. SHu tomonlarini yaxshilab o'ylab ko'rgan holda ortga qaytishga qaror qildim.