Davron Fayziev: "Futbolchilarim ko'rsatgan o'yindan ko'nglim to'ldi"

"Bunyodkor" stadionidagi mavsumdagi ilk o'yinda ishtirok etganimiz xursand bo'ldik. Bunday sharoitda o'ynash juda yoqimli. Futbolchilarim 12 oktyabr kuni yig'ilishgan edi. Umuman olganda, shogirdlarim ko'rsatgan o'yindan ko'nglim to'ldi. Uchrashuv qiziqarli kechdi. Faqatgina gollarni kamroq kiritilgani biroz bellashuv jozibasini buzib qo'ygan bo'lishi mumkin. Biz safarda yomon o'yin ko'rsatish uchun emas, ochiq va chiroyli o'yin ko'rsatish uchun kelgandik. Bugun yirik hisobda mag'lub bo'lishimiz ham mumkin edi. Agarda imkoniyatlardan samarali tarzda foydalaganimizda, natija umuman boshqacha bo'lishi ham mumkin edi. O'yindan ko'nglim to'ldi. Uchrashuvdan so'ng kiyinish xonasida yigitlarga rahmat aytdim. Maydon holati juda yaxshi darajada. Bunaqangi maydonga tushib faqatgina futbol o'ynash kerak. Biz bu darajadagi oliy sifat maydonda o'ynashni orzu qilamiz.

- Futbolchilarim ko'rsatgan o'yindan ko'nglim to'ldi deb aytdiz. Ammo futbolchilaringiz juda ko'p vaziyatlarda to'pni osonlikcha yo'qotib qo'yishmoqda...
- Hamma jamoalar o'z imkoniyati darajasidan kelib chiqqan holda futbolchilarni olib keladi. Bizlarni hozirgi darajamizni hisobga olganda, ularni o'yinlaridan qoniqmoqdaman. Ishlash uchun sharoit kerak. "So'g'diyona"ning o'z muammolari bor. Biz ichki imkoniyatlarimizga yarasha o'ynadik deb o'ylayman.

- So'nggi paytlardagi OAV tomonidan chiqarilgan maqolalar, kelishilgan o'yinlar borasidagi masalalarga qanday qaraysiz. "So'g'diyona"ning o'yinlari tushirilgan disklar yuqori tashkilotlarga jo'natilgan ekan...
- Bularning hammasi mish-mish. Emishki, Davron Fayziev o'yinlardan ishlab topgan pulini futbolchilarga bo'lib berayotgan ekan. Ular bu narsalarni qaerdan olayotgani haqida tasavvurga ega emasman. SHu bois, hech bir jurnalistlar bilan muloqot qilmayapman. Ha aytgancha, bizning jamoada video operator yo'q.


SHahboz Beg'amov