"CHelsi"ning yangi futbolchilari ECHLni o'tkazib yuborishi mumkin

"Ko'klar" fevral oyida CHempionlar Ligasi 1/16 final bosqichi doirasida "Borussiya" Dortmundga qarshi o'yin oldidan yanvar oyida o'zi qo'lga kiritgan futbolchilarining bir qismidan ushbu musobaqada foydalana olmaydi. Klub pley-off bosqichi uchun faqatgina 3 nafar yangi o'yinchini ro'yxatga kiritishi mumkin. Transfer bozorida juda faol bo'lgan "CHelsi" murakkab tanlov qarshisida qolmoqda. 

Enco Fernandes "Stemford Brij" egalarining sakkizinchi transferi bo'ldi. UEFA qoidalarigi ko'ra, "CHelsi" barcha yangi o'yinchilarini 2 fevralgacha ro'yxatdan o'tkazishi kerak. Har bir jamoa uchun 25 futbolchi cheklovi belgilangan. "CHelsi" esa guruh bosqichi uchun 24 nafar futbolchining ro'yxatini berib bo'lgan. Bu degani ingliz klubi yana faqat bitta qo'shimcha futbolchi nomini taqdim etishi mumkin. "CHelsi" Enco Fernandes, Mudrik, Feliks va Badiashiledan faqat bittasini CHempionlar Ligasi tarkibiga kirita oladi. Asosiy tarkib o'yinchilaridan bir nechtasini olib tashlagan taqdirda ham ulardan eng kamida bittasi mavsumning qolgan qismida qita klublari o'rtasidagi musobaqani o'tkazib yuborishga majbur bo'ladi.