"CHelsi" egasi Todd Boeli Franciya klubini sotib olmoqchi

"CHelsi" klubi egalari yaqindagina "Strasbur" prezidenti Mark Keller bilan gaplashgan va u bilan klubni to'liq xarid qilishni muhokama qilgan.

2012 yildan beri klub boshqaruvida bo'lgan sobiq yarim himoyachi Keller Premer-liga klubining yangi egalari bilan birga ovqatlandi. Jamoaning oxirgi paytlardagi muammolariga qaramay, joriy mavsumni ligada qolish uchun kurash bilan o'tkazayotgan "Strasbur" o'tgan mavsumni 6-pog'onada yakunlagan edi. Boeli va uning hamkorlari moliyaviy jihatdan barqaror klubni qabul qilib olish va rivojlantirishdan manfaatdor. Bu orqali London klubining ayrim o'yinchilari Liga 1 klubida ijarada o'ynashi ko'zda tutilmoqda. SHuningdek, konsorcium Germaniya bozoriga ham sarmoya kiritishni rejalashtirmoqda.

"Strasbur" avaalgi moliyaviy muammolarini bartaraf etganidan so'ng 2011 yilda Franciya Beshinchi divizionida ishtirokini qayta boshlagan edi. 2016 yilda Liga 2'ga ko'tarilib professional futbolga qaytdi va shundan keyin Liga 1'ga ko'tarilib oldi. Klub o'z tarixida ushbu liga tituliga ham ega.