"Bunyodkor" - "Persepolis" o'yinida chipta bilan muammo bo'lmaydi

Bugungi kunda "Bunyodkor" stadioni muxlislar uchun futbol ko'rishga eng qiziq va qulay joy bo'lib ulgurdi. SHuning uchun bu stadionda bo'lib o'tadigan o'yinlar muxlislarda qiziqish orttiryapti. Eronning nomdor jamoasiga qarshi o'yinda ham "Al Jazira" bilan bo'lgani holat bo'lmaydimi?

Ushbu savolga oydinlik kiritish maqsadida, stadion chiptachilariga murojaat qildik:

- Bu safar muammo bo'lmaydi. Stadionda joy qolmagunicha chipta sotuvi amalga oshiriladi. Rejadagi chipta tugasa va muxlislar kelishda davom etsa, kassaning o'zidayoq yangi chiptalarni xarid qilishlari mumkin bo'ladi.

Aynan shu javobni muxlislarga etkazib qo'yishni burchimiz deb bildik. Zero, stadion muxlisi bilan chiroylidir. "Al Nasr" va "Al Hilol" muxlislari 1-turda buni isbotlab berdilar.