Bugun O'FAning navbatdan tashqari hisobot-saylov konferenciyasi o'tkaziladi
15 iyu 2019 07:40
Yangiliklar

Bugun O'FAning navbatdan tashqari hisobot-saylov konferenciyasi o'tkaziladi

Bugun, 15 iyul kuni Toshkentdagi "Radisson Blu Hotel" mehmonxonasida O'FA navbatdan tashqari hisobot-saylov konferenciyasi bo'lib o'tadi.

Konferenciya kun tartibidan O'FA prezidentini saylash masalasi ham o'rin olgan. Mazkur konferenciya soat 15:00da Toshkentdagi "Radisson Blu Hotel" mehmonxonasida boshlanadi.

Qayd etish kerakki, 2018 yilning 25 yanvaridan buyon O'FA prezidenti sifatida Achilbay Ramatov ishlab kelmoqda.

Mazkur navbatdan tashqari hisobot-saylov konferenciyasida Achilbay Ramatov o'rniga boshqa nomzodlar ko'rib chiqiladi va katta ehtimol bilan O'FA prezidenti etib yangi rahbar saylanadi.

Eslatib o'tamiz, 14 iyun kuni O'FAda Ijroqum yig'ilishi bo'lib o'tgan va unda O'FA birinchi vice-prezidenti Umid Ahmadjonov o'rniga Ravshan Ermatov vice-prezident etib saylangandi.

Aynan mazkur Ijroqum yig'ilishida 15 iyul kuni O'FAning navbatdan tashqari hisobot-saylov konferenciyasi bo'lib o'tishi malum qilingandi.

Havola :

Manba : championat.asia

Yangiliklarni Telegramda o'qing!

Reyting: +21