Bugun futbol. Uyda yuta olmayotgan "Olimpik", safarda ochko olmagan "Dinamo"ga qarshi
05 may 2022 13:47
Yangiliklar

Bugun futbol. Uyda yuta olmayotgan "Olimpik", safarda ochko olmagan "Dinamo"ga qarshi

Teglar : OLIMPIK Dinamo

Bugun Superliganing 7-turidan o'rin olgan dastlabki ikki uchrashuvi bo'lib o'tadi.

Ulardan birida "Olimpik" Toshkentda "Dinamo"ni qabul qiladi. Uchrashuv 18:30da boshlanadi. "Jar" stadionida tamirlash ishlar ketayotgani bois mazkur bahs "Paxtakor" stadionida bo'lib o'tadi.

Turnir jadvalida "Olimpik" 6 ochko bilan 8-o'rinda boryapti, "Dinamo" esa 5 ochko to'plagan holda 12-o'rinni egallab turibdi. "Olimpik"da to'plar nisbati 7-5, "Dinamo"da esa 5-7.

O'tgan tur "Olimpik" safarda "Bunyodkor"ni 5:1 hisobida mag'lub etdi. "Dinamo" Samarqandda "Neftchi"ni qabul qilib, 1:1 o'ynadi.

"Dinamo" shu paytgacha mavsum boshidan beri faqat "Lokomotiv"dan ustun kelib, qolgan o'yinlarda g'alaba qozona olmadi. Jamoa 5-turgacha umuman yuta olmadi.

"Olimpik" hisobida ham bitta g'alaba bor. "Olimpik" hozircha o'z maydonida g'alaba qozona olmadi: uch o'yin, ikki durang, bir mag'lubiyat. "Dinamo" esa safardagi ikkita o'yinning ikkalasida ham yutqazgan.

O'tgan mavsum bu jamoalar Pro liga doirasida to'rt bor va O'zbekiston kubogi doirasida bir marta to'qnash kelishgan. O'zaro o'yinlarda ustunlik Samarqand klubi tomonida: 3ta g'alaba, 1ta durang va 1ta mag'lubiyat. To'g'ri kubok doirasida qayd etilgan durangdan keyingi penaltilar seriyasida "Olimpik" zafar quchgan. SHunday bo'lsa ham, ustunlik "Dinamo" tomonida.

Pro liga-2021
Olimpik - Dinamo 1:2
Dinamo - Olimpik 1:0
Dinamo - Olimpik 5:1
Olimpik - Dinamo 2:1

Kubok-2021
Dinamo - Olimpik 2:2 (penaltilar seriyasi: 3:5)

Olimpik

Otabek Jo'raqo'ziev - 8'

Superliga. 7-tur

05/05/2022, 18:30

Tugadi

Dinamo

SHohmalik Komilov - 3'

45'

90'