Bugun futbol. "Nasaf" - "Metallurg"
04 noy 2017 13:35
Yangiliklar
Bugun futbol. "Nasaf" - "Metallurg"
17:00 - “Nasaf” (Qarshi) – “Metallurg” (Bekobod)
Hakamlar: R. Ermatov (Toshkent), A. Rasulov (Toshkent), J. Saidov (Toshkent), J. Muxtorov (Toshkent)
Nazoratchi: A. Arutyunov (Toshkent)
O'zPFL vakili: N. Lutfulin
Oliy ligani ikkinchi o'rinda tugatish uchun "Nasaf" astoydil harakat qilmoqda. Bugun jamoa yana bir muhim bahsda maydonga tushadi. "Nasaf" turnir jadvalida 53 ochko bilan 2-o'rinni band etib turibdi, "Metallurg" hisobida esa 34 ochko bor va bu jamoa 10-o'rinda bormoqda.
Bilasizmi? "Nasaf" oxirgi sakkizta o'yinni g'alaba bilan yakunladi va shu o'yinlarda atigi bitta gol o'tkazdi. Qarshiliklar o'tgan turda "Mashal"dan gol o'tkazib yuborishdi.
"Metallurg" ikkinchi davrani bir tekis o'tkaza olmayapti. Jamoa hozircha to'rtta g'alabaga erishgan bo'lsa, shundan ikkitasi safarda va yana ikkitasi uydagi uchrashuvlarda qo'lga kiritilgan. Bekobodliklar safarda "SHo'rtan" va "Dinamo"dan ustun kelgan bo'lishsa, uyda "Qo'qon-1912" hamda "Olmaliq"ni mag'lub etishdi.
Fakt: "Metallurg" ikkinchi davrada safarda g'alaba qozongan ikkala o'yinida ham o'z darvozasidan gol o'tkazib yubormagan.
O'yinni kim boshqaradi? Bu bahsni Ravshan Ermatov boshchiligidagi hakamlar brrigadasi boshqarib boradi. FIFA referisi Ravshan Ermatov hozircha "Nasaf"ning beshta o'yinini boshqargan va hamma uchrashuvlarni "Nasaf" safarda o'tkazgan. Mana shu o'yinlarning ikkitasida qarshiliklar zafar quchib, uch bor mag'lubiyatga uchragan. Ermatov "Metallurg"ning uchta o'yinida ishlagan. Uchala uchrashuv ham Bekobodda o'tkazilgan. Maydon egalari ikki bor yutib, bir marta yutqazib qo'yishgan.
Fikrlar