“Brentford” ustozi: “Tushimmi yoki o'ngimmi deb o'zimni chimchilab ko'ryapman”

“Hali ham o'zimni chimchilab ko'ryapman (bu tush emasligiga ishonch hosil qilish uchun). Bahsdan oldingi matbuot anjumanida g'alaba qozonsak, bu mavsumdagi eng katta natijamiz bo'lishini aytdim va buni uddaladik.

4:1 hisobi darajasida o'ynamagan bo'lishimiz mumkin, ammo g'alabaga to'la haqli edik.

Eriksen? Uning maydonda va uning tashqarisida o'zini tutishi xurmatga loyiq. U Daniya TJda gol urganidan keyin, unga “Brentford”da ham buni uddalashiga umid qilayotganimni aytdim va u so'zimni erda qoldirmadi.

Mavsum yakuniga kelsak, uni imkon qadar yaxshiroq yakunlashga harakat qilamiz. 24 soat davomida g'alabadan sarmast bo'lamiz va yana oldinga intilamiz”, deydi Frank.