Breaking: Abramov Yaxshiboev, Hamrobekov, O'runov va Ahmadalievning xizmatlaridan foydalanmaslikka qaror qildi

Unga ko'ra, Superligada tayanch nuqtasida eng barqaror va kuchli o'ynayotgan Odil Hamrobekov, hujumkor yarim himoyachi Oston O'runov, o'ng qanot himoyachisi Dilshod Ahmadaliev hamda hujumkor vinger Jasur Yaxshiboev yakuniy ro'yxatdan tushib qoldi.

Vadim Abramov terma jamoa ixtiyorida bo'lib turgan va 5 kun birga mashg'ulotlarda ishtirok etgan asosan yosh iqtidorli futbolchilar: Hamrobekov, Yaxshiboev, O'runov va Ahmadalievga javob berib yubordi.

SHu tariqa terma jamoa ixtiyorida 24 nafar futbolchi qoldi. Qoidaga ko'ra, Yaman va Singapurga qarshi o'yin qaydnomasiga 23 nafar futbolchi kiritiladi. Vadim Abramov esa qo'l ostida 24 nafar futbolchi bilan shug'ullanishda davom etmoqchi.

Hujumchi Eldor SHomurodov va yarim himoyachi Ikrom Aliboev terma jamoa safiga qo'shildi.

Eslatib o'tamiz, O'zbekiston milliy jamoasi JCH-2022 saralash bosqichi doirasida 10 oktyabr kuni Toshkentda Yamanga qarshi, so'ngra safarda 15 oktyabr kuni Singapur bilan kuch sinashadi.

O'zbekiston terma jamoasining mashg'ulotlariga ishtirok etayotgan futbolchilar ro'yxati:

Darvozabonlar: Sanjar Quvvatov (“Paxtakor”), Eldor Suyunov (“Paxtakor”), Abdumavlon Abdujalilov (“Bunyodkor”).

Himoyachilar: Egor Krimec (“Paxtakor”), Rustam Ashurmatov (“Gvangju”, Janubiy Koreya), Umar Eshmurodov (“Nasaf”), Islom To'xtaxo'jaev (“Lokomotiv”), SHarof Muhitdinov (“Nasaf”), Farrux Sayfiev (“Paxtakor”),  Hojiakbar Alijonov (“Paxtakor”), Akbar Ismatullaev ("Metallurg").

Yarim himoyachilar: Odil Ahmedov (“SHanxay SIPG” - Xitoy), Ikrom Aliboev (“Seul FK” – Janubiy Koreya), Aziz G'aniev (“Nasaf”), Jaloliddin Masharipov (“Paxtakor”), Lutfulla To'raev ("Bunyodkor"), Sardor Mirzaev (“Lokomotiv”), Otabek SHukurov (“SHarja”, BAA), Dostonbek Hamdamov (“Paxtakor”), Xurshid G'iyosov ("Bunyodkor"), Jamshid Iskanderov ("Lokomotiv").

Hujumchilar: Eldor SHomurodov (“Rostov” – Rossiya), Igor Sergeev (“Paxtakor”), Temurxo'ja Abduxoliqov (“Xorfakkan”).