"Bobur Arena" yoritish tizimi talab darajasiga etdi, tez orada "Mashal" stadioni ham yangi projektorlarga ega bo'ladi

"Andijondagi "Bobur Arena" o'yingohida bu yil katta ko'lamda tamirlash ishlari olib borildi. Maydon maysasi yangilandi va ayni kunlarga kelib yaxshi holatga keltirildi. 

Stadion yoiritish tizimini yaxshilash borasida uzoq vaqt ish olib borildi. Liga mutaxassisilari iyun-sentyabr oylari oralig'ida 4 marta Andijonda bo'lib, "Bobur Arena" projektorlari yoritish darajasini o'lchashdi. Nihoyat, stadion projektorlariga qo'shimcha chiroqlar o'rnatish ishlari to'liq yakunlandi va 12 sentyabr kuni Liga vakili bu borada yakuniy xulosa berdi. Unga ko'ra, ayni paytga kelib "Bobur Arena" yoritish tizimi darajasi talab darajasiga etkazildi. Hozirda stadion projektorlari 1920 lyuksni bermoqda. 

Liga tashabbusi bilan stadionlarimizda maydon va yoritish tizimini yangilash ishlari davom etadi. Yaqin haftalar ichida Muborakning "Mashal" klubi uy stadionida ham yangi projektorlar nur socha boshlaydi", – deyiladi Professional Futbol Ligasi xabarida.