Bekxem va Zidan jamoasi 14 noyabr kuni "Old Trafford"da o'yin o'tkazadi

Unda Devid Bekxem sardorligidagi Buyuk Britaniya va Irlandiya jamoasi Zinedin Zidan boshchiligidagi Jahon terma jamoasiga qarshi o'ynaydi. Bekxem jamoasiga Ser Aleks Fergyusson murabbiylik qilsa, Zidan jamoasida bu ishni Karlo Anchelotti bajaradi.

Quyida ikkala jamoa safida maydonga tushishi kutilayotgan futbolchilar bilan tanishing:

Bekxem jamoasi: Devid Simen, Devid Jeyms, Sol Kempbell, Jon Terri, Fil Nevill, Rio Ferdinand, Jeymi Karrager, Eshli Koul, Niki Batt, Pol Skoulz, Rayan Giggz, Maykl Oven, Endi Koul.

Zidan jamoasi: Edvin van der Sar, Kafu, Fabio Kannavaro, Alessandro Nesta, Luish Figu, Ronaldino, Patrik Vieyra, Mixail Ballak, Massimo Abrozini, Rober Pires, Duayt York, Patrik Klyuyvert, Ole Gunnar Sulsher, Lendon Donovan.

UNICEF xayriya dasturi doirasida o'tadigan ushbu o'yindan tushgan barcha pullar kasallikdan, ocharchilikdan va kambag'allikdan qiynalayotgan bolalarga taqdim etiladi.

O'yin Manchester shahridagi "Old Trafford" stadionida bo'lib o'tadi.