Baxtiyor Ashurmatov: "Istiqlol"ning istalgan futbolchisi oliy ligada ham o'zini ko'rsatishi mumkin" VIDEO

Baxtiyor Ashurmatov (Navbahor jamoasi bosh murabbiyi): - O'yin haqida nima deyish mumkin. Istiqlol jamoasining oldingi o'yinlarini ko'rgandim. Ular safida yaxshi saviyali birinchi ligada toblangan futbolchilar joy olishgan. Raqib safidagi istalgan futbolchi oliy ligada ham o'zini ko'rsatishi mumkin. Mehmonlarni himoyaviy taktikani tanlashlarini ham bilardim. SHundan kelib chiqqan holda yigitlarga birinchi liga jamoasini osonlik bilan mag'lubiyatga uchratamiz deb o'ylamasliklarini uqtirgandim. SHunday bo'lsada, futbolchilarimiz oson g'alabani ko'zlagan holda to'p surishdi.

Birinchi bo'limda raqiblar asosiy etiborni himoyaga qaratishgani bois hujumlar tashkil etish borasida qiyinchiliklarga duch keldik. O'yinni tashkil etishdagi kamchiliklar tufayli xavfli vaziyatlar soni u qadar ko'p bo'lmadi. Ikkinchi bo'limda uch himoyachi bilan to'p surib, hujumchilar sonini oshirdik. SHunday bo'lsada, hujumlar tashkil etish oson bo'lmadi. Uchrashuv oxirlarida gol urishga erishib, muxlislarimizni qaysidir manoda xursand qilishni uddasidan chiqdik. Keyingi bosqich chiqish masalasi javob uchrashuviga qoldirildi. Safardagi bahsda qo'lga kiritilgan natiani mustahkamlashimiz va keyingi bosqichga chiqishimiz kerak.