Balotelli Neymarga: "Sen PSJda penalti tepishni hatto so'rab o'tirmasliging kerak"
19 sen 2017 22:22
Yangiliklar

Balotelli Neymarga: "Sen PSJda penalti tepishni hatto so'rab o'tirmasliging kerak"

"Nicca" hujumchisi Mario Balotelli Franciya chempionati 6-turi doirasida "Lion"ga qarshi o'yin (2:0)da PSJ o'yinchilari Neymar va Kavani o'rtasida yuzaga kelgan kelishmovchilikka fikr bildirdi.

O'sha o'yinda Edinson Kavani jarima zarbasini tepmoqchi bo'ldi, lekin Dani Alves undan to'pni olib qo'ydi, yakunda jarimani Neymar tepdi. Keyinroq, Neymar Kavanidan penalti tepishni olmoqchi bo'ldi. Ammo, urugvaylik hujumchi 11 metrlikni o'zi amalga oshirdi va gol ura olmadi.

"Neymar, sen penalti tepishni hatto so'rab o'tirishing kerak emas", - deb yozdi Balotelli o'zining instagramdagi sahifasida.

Eslatib o'tamiz, Balotelli "Inter"da o'ynaganida o'zi ham bir necha bor penalti tepishni boshqa tajribali sheriklaridan olib qo'yishga uringan.

O'yindan keyin Neymar instagramda Kavanini o'qishni to'xtatdi. Xabar qilinishicha, o'yinchilar kiyinish xonasida urishib ketishlariga sal qolgan. Kelishmovchilikning sababi eng yaxshi to'purarga beriladigan bonus bo'lishi mumkin.