Bahodir Mirzaev: "Ertangi o'yinga jamoamiz kutilmagan muammolar bilan kelmoqda"

"Assalomu alaykum barchaga! Ertangi o'yinga jamoamiz kutilmagan muammolar bilan kelmoqda. Jamoamiz safida bir qator o'yinchilarimizda jarohatlar mavjud. O'zbekiston kubogi finali oldidan ushbu o'yinchilarimizni tavakkal qilmagan holda Eronga olib kelmadik.

O'yinni Isfaxondan Tehronga ko'chgani bizga qo'shimcha muammolarni keltirib chiqardi. O'ylaymanki barchasi yaxshilikka xizmat qiladi. Eronga Dubay orqali keldik. Kecha jamoamiz Dubayda mashg'ulot o'tkazdi. Qo'shimchasiga Tehronga kelib ham ko'plab muammolarga duch keldik. Yo'ldagi tirbandlik tufayli, o'yinoldi rasmiy mashg'ulotimiz bekor bo'ldi va matbuot anjumani oldidan jamoamiz bosh murabbiyi ayrim noqulayliklar sabab yarim yo'ldan ortga qaytdi.

Xalqaro maydonda Vatanimiz shanini himoya qilayotgan jamoamiz har qanday holatda oxirigacha harakat qiladi. Xudo xoxlasa yorug' yuz bilan Yurtimizga qaytamiz!", -deydi Bahodir Mirzaev.