Avazbek O'lmasaliev: "Bunyodkor" doim oxirigacha kurashadi"

Jamoaning g'alaba golini so'nggi daqiqalarda Avazbek O'lmasaliev urdi. Biz esa uchrashuvdan so'ng o'yin qahramonining fikrlari bilan qiziqdik. 

"Avvalo barcha jamoadoshlarimni, muxlislarni g'alaba bilan tabriklayman.  "Dinamo"ga qarshi o'z o'yinimizni ko'rsata olmadik, deya olaman. Ikkinchi bo'limda raqib bir kishi kam bo'lib qolgach ustunlikni qo'lga oldik. Buni tan olish kerak. Asosiysi yakunda g'alaba biz tomonda bo'ldi. Ushbu uchrashuv endilikda tarixga aylandi. Navbatdagi bahslarga puxta tayyorgarlik ko'ramiz.  "Bunyodkor" doim oxirigacha kurashadi. 

Murabbiyimiz SHuhrat Maqsudov bo'shashmasligimizni ko'p bor takidladilar. SHunga qaramay harakatlarimiz ko'ngildagidek chiqmadi", - dedi Avazbek O'lmasaliev.