Asror Aliqulov: "Bugungi g'alabada futbolchilarning ishtiyoqi muhim rol o'ynadi"

"O'yin og'ir bo'lishini kutgandik. "Neftchi" jamoasi qarshi hujumda o'ynashini taxmin qilgandik. Raqib jamoa tarkibida yaxshi darajadagi futbolchilarga etiborliroq bo'lishimiz talab etilardi. Oxirgi daqiqalarda bir qator yangi futbolchilarni tushirdik. Agarda biz o'z darvozamiz oldida xato qilsak "Neftchi"ning gol urish imkoniyatlari oshib ketardi. Futbolchilar maydonda ko'p xatolarga yo'l qo'yishdi. Bugungi g'alabada futbolchilarning ishtiyoqi muhim rol o'ynadi. "Neftchi" g'alaba qozonganida o'zi uchun kerakli bo'lgan ochkoga ega chiqardi va turnir jadvalida bizdan oldinlab ketardi. Futbolchilarga eng yaqin taqibchilarimizni oldinga o'tib ketmasliklariga imkon bermaslikni uqtirgandik. Muxlislarni bugungi g'alaba bilan tabriklayman.

Birinchi bo'limda "Neftchi" jamoasini o'rgandik desam ham bo'ladi. Ikkinchi bo'limda raqib jamoa murabbiyi ham o'zgarishlarni amalga oshirdi. Hujumga ko'proq kuch berishdi. Bugun dastlabki daqiqalarda maydonga tushgan futbolchi jamoamizda debyutini o'tkazdi. SHu bois uni har tomonlama qo'llab-quvvatlashimiz kerak. Uni harakatlaridan qoniqdim. Asta-sekin jamoamizga moslashib boradi. Ikkinchi bo'limda "Neftchi" jamoasida Mansur Saidov maydonga tushdi, qanotlarda ham yaxshi saviyadagi futbolchilar harakat qildi. Hujumga zo'r berib gol urishganidan keyin ham o'z darvozalari oldiga yaqinlashtirmaslikka harakat qilishdi. Samandar va Sanjarda ozgina tezkorlik etishmayotgani sababli almashtirdik. Hujumga va himoyaga tezlik bilan o'tadigan yoshroq tezkorroq futbolchilarni tushirdik. Bu o'zgarishlar o'zini oqladi deb o'ylayman",- deydi Asror Aliqulov.