Asqar Umarov: "Lokomotiv" maydoniga g'alaba uchun kelmagandik"

- CHiroyli o'yin bo'ldi. "Lokomotiv"ni g'alaba bilan tabriklayman. O'yinga to'xtaladigan bo'lsam, tajriba o'z so'zini aytdi. Biz bugun ko'proq yoshlarimizga imkoniyat berdik. Harakat qildik, iloji bo'lmadi. 

- O'tgan yili ushbu ikki jamoa kubokda to'qnash kelgan. O'tgan yilgi o'yin bilan qanchalik farq qildi?

- O'tgan mavsumdagi yigitlar bilan farq katta. O'shanda bizda Pro-ligada o'ynaydigan jamoa bor edi. O'zimning ko'nglim to'lgan jamoani yig'gandik. Bu yil esa yoshlarga ko'proq etibor berib, zominlik yigitlarni ko'proq o'ynatyapmiz. 

- Tarkibdagi futbolchilarning umumiy saviyasi bilan jamoaning "Lokomotiv"ga o'tgan yilgidek qarshilik ko'rsatishini kutganmidingiz?

- Yo'q, kutmagandim. CHunki baribir tarkib o'tgan yilgidan ko'ra, baribir biroz pastroq, birinchi liga darajasida. Hozir Pro-liga yoki undan yuqoridagi jamoalarga qarshilik qilishimiz qiyin. Bu erga g'alaba uchun kelmadik. Ushbu uchrashuv bizga katta tajriba bo'ldi. Navbatdagi o'yinlarda yaxshi o'ynashga harakat qilamiz. Birinchi ligada yaxshi natijalar ko'rsatib, yana Pro-ligaga qaytishga harakat qilamiz.

- "Zomin" Kubokda "Dinamo", "Lokomotiv" va "Qizilqum"ga qarshi kuchli raqiblar bilan o'ynaydi. Ushbu uchrashuvlar jamoangizdagi futbolchilarning darajasi, tajribasini oshishida qanchalik darajada o'rin tutadi?

- Ushbu o'yinlar bilan katta tajriba olamiz. Masalan, "Lokomotiv" pressingi orqali bizni birinchi zonadan chiqib ketishimizga ham imkon bermadi. Bundan kerakli hulosalarni olib, navbatdagi uchrashuvlarda shunday pressinglardan chiqib ketish borasida ishlaymiz.