Artur Gevorkyan: “Tezkor gol yirik g'alabaga yo'l ochdi”

O'yindagi deyarli barcha gollarda ishtirok etish bilan birga raqib, darvozasini ikki marta ishg'ol etib, Oliy liga to'purarlari bahsida 9 ta gol bilan karvonboshilikni o'z qo'liga oldi. O'yindan keyin turkmanistonlik futbolchi uchrashuv haqidagi fikr-mulohazalari bilan o'rtoqlashdi.

- Yirik g'alaba bilan barcha muxlislarni tabriklayman. Ushbu yutuq kuni kecha farzandlik bo'lgan murabbiyimizgayam o'ziga xos sovg'a bo'ldi,-deya so'z boshladi Gevorkyan. – “Dinamo”ga qarshi o'yinda barcha birdek yaxshi harakat qildi va murabbiymizning ko'rsatmasini bekamu ko'st uddalashga harakat qildik. Tezkor gol bizni yanada ruhlantirdi. Raqibimiz tez javob qaytarish uchun oldinga tashlandi va biz qarshi hujumda aniqroq harakat qilib, maqsadga erishdik.

- Keyingi turda peshqadam “Lokomotiv” bilan bahs olib borasizlar...
- Samarqanddagi g'alabani unutib, keyingi o'yinga tayyorgarlikni boshlaymiz. Qiziqarli o'yin bo'lishiga shubha yo'q. Albatta o'z o'yimizda, muxlislar bizni qo'llab turishsa, ularni xursand qilishga harakat qilamiz.

- Kechagi “dubl”dan keyin oliy ligada to'purarlar bahsida birinchi pog'onaga ko'tarildingiz. O'tgan yili ham to'purarlar ro'yxatida edingiz va yakunda 2-pog'onani band etgandingiz. Balki bu safar eng yuqori cho'qqini zabt etish nasib etar...

- Nasib etsa. Hozirgi o'rinda mavsumni yakunlash uchun ham harakat qilaman. Albatta jamoadoshlarim yordami bilan...