Arteta: "Ruhiy va jismoniy jihatdan murakkab haftani o'tkazdik"

Moyzes Kaysedo birinchi bo'lim oxirida maydondan chetlatilganiga qaramay, "Chelsi" Premer-liga etakchisi "Arsenal" bilan durang o'ynadi (1:1).

"Boshidanoq, vaziyat qanchalik og'ir ekanligini his qilish mumkin edi. Har bir yakkakurash, har bir harakatga to'liq kuch sarflandi, o'yin juda qisqa vaqtlarga bo'lingandi. 10 kishiga qarshi boshqacha o'yin kutgandik. Bizning rejamiz bor edi, ikkinchi bo'limda unga amal qildik, keyin ular jarima zarbasini amalga oshirib, gol urishdi. Shundan so'ng o'yin juda qiyinlashdi. 

Umuman olganda, agar siz 45 daqiqa davomida o'n kishi bilan o'ynagan raqibga qarshi g'alaba qozona olmasangiz, hafsalangiz pir bo'lishi kerak deb o'ylayman. Biroq qanday haftani o'tkazganimizni bilasiz va ular qiyin raqib edi.

O'yinchilar bor kuchlarini sarflashdi. Ular ilgari hech qachon bunday o'ynashmagan, shuning uchun biz bu sinergiyani yaratishimiz kerak edi. O'yindan oldin ko'p narsa sodir bo'ldi. Jamoaning kayfiyati yaxshi. Ruhiy va jismoniy jihatdan murakkab haftani o'tkazdik. Umuman, bu ijobiy hafta bo'ldi", – dedi Arteta.